အရေး မှား အပြော မှား
ချစ်လှစွာသောမြန်မာစတီးမစ်မိသားစုဝင် အပေါင်းတို့ မင်္ဂလာပါခင်ဗျာ။
Mingalar par. My dear Myanmar steemians families.
မြန်မာစာအရေးအသား နှင့် ပတ်သက်သော Post အချို့အား ရေးသားခဲ့ပါသည်။ ဆရာတင်လှိုင်ဦးသည်လည်း မြန်မာစာ၊ မြန်မာစကားနှင့်ပတ်သက်သော Post အတော်များများ ရေးသားခဲ့ဖူးပါသည်။ ယခု Post တွင် အပြောအဆို အမှားအယွင်းအချို့အားလည်း ထည့်သွင်းရေးသားလိုပါသည်။ ကျွန်တော်တို့တစ်တွေ မြန်မာစာကိုနေ့စဉ်ရေးသားနေကြရသူတွေ ရှိသကဲ့သို့ တစ်လနေမှ တစ်ခါမျှပင် စာမရေးသားရသောသူများလည်း အများအပြားပင်ရှိပါသည်။ မြန်မာစကားကိုတာ့ နေ့စဉ်သုံးစွဲ ပြောဆိုနေကြရမည်ဖြစ်ပါသည်။ စာအရေးသားများကို မရေးသားသဖြင့် မမှားယွင်းသော်လည်း စကား အသုံးအနှုန်းများတွင်လည်း မှားယွင်းတတ်ကြသည်ကို သတိပြုသင့်လှပါသည်။ မြန်မာပိုင်းအသံလွှင့် ဌာနများသည်လည်း မြန်မာစကားအသုံးအနှုန်းအပြောအဆို အမှားများမဖြစ်ပေါ်စေရန်အတွက် မြန်မာစကားလေ့ကျင့်သင်ကြားပေးကြရကြောင်းကို သိရပါသည်။ ကမ္ဘာတစ်ခုလုံးအား မှားယွင်းစွာ သုံးနှုန်းမိပါက လူအများ၏ ပြစ်တင်ကဲ့ရဲ့စရာဖြစ်သွားပေမည်။ မြန်မာစာ၊ မြန်မာစကားတွင်သာမက အခြားသော ဘာသာစကားများတွင်လည်း အမှားအယွင်းများစွာဖြစ်နိုင်ပါသည်။ အရေးမှား၊ အကြားမှား၊ အပြောမှား၊ အဖြေမှား၊ အဖတ်မှား စသည်ဖြင့် မှားယွင်းစရာအများပင်ရှိပါသည်။ မည်သို့ မှားမှား တချို့သောအမှားများသည် လူရယ်စရာအဖြစ်လောက်နှင့်သာ ပြီးသွားနိုင်သော်လည်း အချို့သောအမှားများသည် ပြဿနာ အကြီးကြီးအား ဖန်တီးမိသည်အထိဖြစ်တတ်ပါသည်။ ရယ်စရာ အဖြစ်သို့ ရောက်သွားသော အမှားသည် လူအများကခွင့်လွှတ်ပေးကြသော်လည်း ပြဿနာဖြစ်သွား တတ်သော အမှားကိုမူ မည်သူကမျှ ခွင့်လွှတ်ကြမည်မထင်ပါ။ လက်တွေ့တွင်မူ စာအဖတ်မှား အပြောမှား တို့သည် အမှားနည်းကြသည်ဟု ထင်နိုင်ပေသည်။ သို့သော် အများအားဖြင့် ထိုအဖတ်မှား နှင့် အပြောမှားခြင်းသည်သာ အများအပြားဖြစ်ပေါ်တတ်ကြောင်းကိုလည်း တွေ့ရပါသည်။
မြန်မာစကားပဲ နေ့စဉ်ပြောနေကြတာပဲ မှားပါ့မလား သံသယ၀င်စရာပင်ဖြစ်ပါသည်။ အမှန်တော့ အချို့သောနေရာဌာနများတွင် နေ့စဉ်ပြောဆိုသုံးနှုန်းနေသည်များနှင့်မတူ ပြောဆိုသုံးနှုန်းကြရပါသည်။ ဘုန်းကြီးကျောင်းသွားကာ ဘုန်းကြီးအား မင်း နဲ့ ငါ သွားပြောနေလျှင် သင့်တော်မည်မဟုတ်သည်ကို လူတိုင်း အလွယ်တကူသိနိုင်ပါသည်။ မင်း နဲ့ ငါ နဲ့ ပြောမိလျှင် ဘုန်းကြီး ထကန်တာခံရနိုင်ပါသည်။ သူ့နေရာနှင့်သူ အရေး အပြော လိုအပ်မည်ဖြစ်ပါသည်။ တခါတရံ လူရွှင်တော်များကဲ့သို့ ရယ်စရာပြော နေရင်းဖြင့် ငိုပြရမည့်ကိန်းဆိုက်တတ်ပါသေးသည်။ မြန်မာစာအရေးအသားတွင်လည်း စာပုဒ်များကိုလည်း သူ့နေရာနှင့်သူ ထားရပါသည်။ အထားမှားလျှင် ရယ်စရာဖြစ်သွားနိုင်သကဲ့သို့ ထုချေလွှာရေးရသောအဖြစ်လည်း ရောက်သွားနိုင်ပါသည်။ “အဘွားဖြစ်သူက ဘောလုံးကန်သဖြင့် ခြေထောက်နာနေသော မြေးဖြစ်သူကို ဆေးလိမ်းပေးသည်” အထက်ပါစာကြောင်းအားဖတ်ကြည့် ပါက နေရာအထားအသို မှားယွင်းနေသည်ကိုမြင်ရပေသည်။ ထိုသို့နေရာမှားနေသဖြင့် အဘွားက ဘောလုံးကန်သလိုဖြစ်နေပေတော့သည်။ “ဒိုင်လူကြီးက ကြမ်းကြမ်းတမ်းတမ်းကစားသဖြင့် ဘောလုံး သမားကို အ၀ါကတ်ပြကာ အပြင်းအထန်သတိပေးလိုက်လေသည်” နေရင်းထိုင်ရင်းဖြင့် ဘောလုံးပွဲ တွင် ဒိုင်လူကြီးကပင် ကြမ်းကြမ်းတမ်းတမ်း ၀င်ကစားသလိုဖြစ်နေမည်မဟုတ်ပါလား။ ထိုကိစ္စများ သည် စာအရေးအသားများ၊ အထားအသိုများမှားယွင်းနေသောကြောင့် ဖြစ်ပေသည်။
အသံမစဲ မဟာပဌာန်းရွတ်ဖတ်ပူဇော်ပွဲအတွက် ပဌာန်းဒါယကာ ဒါယိကာမများ ရရှိစေရန်အလှူခံနေရာတွင် မိုက်ကိုင်ကာ နိဗ္ဗာန်ဆော်ကြီးမှ အလှူရှင်များအားကြေငြာပေးနေပါသည်။ “ယခုလာရောက် လှူဒါန်းတာကတော့ မြန်မာစတီးမစ်ကွန်မြူနတီအဖွဲ့ကြီးမှ အရုဏ်ဆွမ်းအတွက်လှူဒါန်းသွားခြင်းဖြစ် ပါတယ်။ သာဓုပါခင်ဗျာ၊ သာဓုပါ အခုလို ရှေ့နွားတစ်သိုက်က ဖြောင့်ဖြောင့်သွားတော့ နောက် နွား လေးများကလည်း ဖြောင့်ဖြောင့်ကြီးလိုက်နိုင်ကြတာပေါ့ခင်ဗျာ၊ သာဓုပါခင်ဗျာ သာဓုပါ” ထိုသို့ ကြေငြာနေသော အသံအား ကြားရလျှင် ကျွန်တော်တို့ Admin များနှင့် Leader များ၊ အဖွဲ့သားများ မည်သို့ဖြစ်သွားမည် ထင်ပါသလဲ။ ကျွန်တော့်အမြင်ကိုပြောရမည်ဆိုပါက ထိုသို့ ကြေငြာသံကိုသာ ကြားရမည်ဆိုပါက ဘွတ်အဲလို့ပင် ယောင်အော်မိလေမလား ကိုယ့်ခေါင်းပေါ်ကို ချက်ချင်းပင် လက်ရောက်ကာ ချိုပေါက်နေသလား စမ်းမိမည်ထင်ပါသည်။ အခြားသူများတော့မသိပါ။ နေရင်းထိုင်ရင်း Admin Teeam သည် နွားတစ်သိုက် ဖြစ်ရပေတော့မည်။ နောက်ပေါက်အဖွဲ့ဝင်များသည်လည်း နွားပေါက်ကလေးများဖြစ်ရပေတော့မည်။ မသင့်လျော်သော နေရာတွှင် စကားပုံအား ထည့်သွင်းပြောဆိုလိုက်ခြင်းကြောင့် နေရင်းထိုင်ရင်း အလှူရှင်တို့ နွားဖြစ်ရလေမည်မဟုတ်ပါလား။ ထိုကိစ္စသည် အပြော မှားဟု ဆိုရမည်ဖြစ်ပါသည်။ ဆရာကြီး လယ်တွင်းသားစောချစ် ဟောပြောခဲ့သော အကြောင်းအရာ တစ်ခုမှ အပြောမှားတစ်ခုကိုလည်း ပြောပြလိုပါသည်။ စာပေဟောပြောပွဲတစ်ခုတွင် ဆရာကြီး လယ်တွင်းသားစောချစ်အား စာပေဟောပြောရန်ဖိတ်ခေါ်ရာတွင် “စာရေးဆရာကြီး လယ်တွင်းသား စောချစ် ကြွပါခင်ဗျာ ဟု ဖိတ်ခေါ်ရမည့်အစား စာရေးဆရာကြီး တောတွင်းသားလေး စောချစ် ကြွပါ ခင်ဗျာ” ဟု မှားယွင်းဖိတ်ခေါ်မိသဖြင့် ဆရာကြီးခင်မြာ စင်ပေါ်တက်ရကောင်းနိုး၊ နွယ်ကြိုးရှာပြီး စင်ပေါ် ဂျွမ်းထိုးတက်ရကောင်းနိုးနိုး၊ ဒီအတိုင်းပင် ဆက်ထိုင်နေရကောင်းနိုးဖြစ်ခဲ့ဖူးကြောင်း ဟောပြောခဲ့ဖူးပါသည်။ ထိုကိစ္စများသည် အပြောအဆိုအမှား အယွင်းများပင်ဖြစ်ပါသည်။
တတ်သိနားလည်သောကြောင့် ရေးသားခြင်းမဟုတ်ပါ။ မြန်မာစာ မြန်မာစကားတို့အား ပြည့်စုံစွာနားလည်နိုင်ရန် ကြိုးစားနေဆဲသာဖြစ်ပါသည်။ ထိန်းသိမ်းလိုသော စိတ်ဖြင့်သာ ရေးသားနေခြင်းဖြစ်ပါသည်။ မန်မာစာပေများ၊ မြန်မာစကားများအား ကျွန်တော်တို့မြန်မာလူမျိုးများမှ မထိန်းသိမ်းလျင် မည်သူက လာရောက်ထိန်းသိမ်းပေးပါမည်နည်း။ ယနေ့အချိန်ထိပင် သတင်းစာ ခေါင်းကြီးပိုင်းများ၊ ကလေးများ စာသင်သော သင်ခန်းစာအချို့၊ ဂျာနယ်များ စသည်တို့မှာပင် အမှားများ ပါလာတတ်ပါသည်။ လမ်းဘေး ဆိုင်းဘုတ်များ နှင့် ကိုယ်ပိုင်ဆိုင်များ၏ ဆိုင်းဘုတ်များသည်လည်း အမှားများမြင်တွေ့ရပါ သည်။ ထိုသို့ရေးသားနေသဖြင့် မြန်မာစာ၊ မြန်မာစကားအား အလွန်တတ်ကျွမ်းနားလည်သူ တစ်ယောက် အဖြစ်မမြင်ကြစေလိုပါ။ မြန်မာစပေ၊ မြန်မာစကားတို့အား မိမိတတ်နိုင်သည့်ဘက်မှ ထိန်းသိမ်းနိုင်ရန် ကြိုးစားနေခြင်းဖြစ်ပါသည်။ အမှားအယွင်းများပါရှိပါကလည်း ကျွန်တော် တစ်ယောက်တည်း၏ အမှားသာဖြစ်ပါသည်။ မြန်မာစာပေ နှင့် မြန်မာစကားတို့အား အလေးမထား၊ အမှန်ပြုပြင်ရန်စိတ်ထားမရှိပါက နောင်နှစ်အနည်းငယ်အတွင်းမှာပင် လျင်မြန်စွာ ပျောက်ဆုံးသွားနိုင် သည် ကိုလည်း သတိပြုကြစေလိုသော ဆန္ဒမွန်ဖြင့်ရေးသားခြင်းသာဖြစ်ပါသည်။ အမှားများအား တစ်ဦးနှင့်တစ်ဦး ထောက်ပြဝေဖန်ပေးသင့်ပါကြောင်း တိုက်တွန်းရင်းဖြင့် ရပ်နားလိုက်ပါသည်။
Success in Steemit အောင်မြင်ကြပါစေဗျာ.....
လေးစားစွာဖြင့်
Yours respectfully
ရေးသားသူ(Author) _
@ansoe (MSC 012)
Soe Naing
Myanmar Steemit Community 
9-May-2018 ဗုဒ္ဓဟူးနေ့(Wednesday)