ချစ်လှစွာသောမြန်မာစတီးမစ်မိသားစုဝင် အပေါင်းတို့ မင်္ဂလာပါခင်ဗျာ။

Mingalar par. My dear Myanmar steemians families.

လူငယ်များကောင်းမွန်ရန် လူကြီး မိဘများက ကောင်းမွန်နေရန်လိုပါသည်။ မိဘများသည် သားသမီးများ၏ လက်ဦးဆရာများဟု လူတိုင်းပြောကြသည်ကို ကြားဖူးကြမည်ထင်ပါသည်။ လိုက်နာကျင့်ကြံသူ မိဘများ ဘယ်နှစ်ဦးလောက်ရှိမည်နည်းဟု စဉ်းစားမိသည်ရှိသော် များများစားစား ရှိလိမ့်မည်မဟုတ်ဟု အဖြေထွက်လာကြမည်ပင်ဖြစ်ပါသည်။ အများစုတို့သည် “သိသည် မှတ်သားဖူးသည် ကြားဖူးပါသည်” ဆိုသောအဆင့်တွင်ပင် ရပ်တန့်နေတတ်ကြပြီး လူအများနှင့်စကားပြောဆိုဆက်ဆံသည့်အချိန် တွင်သာ စကားအဖြစ်ပြောဆိုတတ်ကြကာ လက်တွေ့လက်နာကျင့်သုံးခြင်းမရှိတတ်သောကြောင့်ဖြစ်ပေသည်။ တနည်းအားဖြင့်ဆိုသော် “ငါသိသည် ငါနားလည်သည်” ဟု လူအများကြားတွင် ပြောဆိုလိုကြပြီး “ငါမသိပါဘူး ငါနားမလည်ပါဘူး” ဟု ပြောရမည်ကို ရှက်စရာကောင်းသည်ဟု မှတ်ယူထားတတ်သောကြောင့်ဖြစ်ပေမည်။ ယခုခေတ်ကာလသည် ငယ်ငယ်ရွယ်ရွယ်နှင့် အိမ်ထောင်ပြုတတ်ကြသော ခေတ်ဖြစ်လေရာ ကလေးသာသာ အတွေးအခေါ်များဖြင့် မိမိတို့၏ ရင်သွေးငယ်များအား မည်သို့ ထိန်းကြောင်းသင့်သည်ကို သိမှ သိကြပါလေစဟု စိုးရိမ်စိတ်ဖြစ်မိပါသည်။ ရင်သွေးငယ်တို့သည် မိမိတို့၏ ရင်နှစ်သည်းခြာရတနာများသာမဟုတ်မူပဲ နိုင်ငံတော်၏ သားကောင်းရတနာများဖြစ်ရာ မိဘဖြစ်သူများမှ လမ်းပြသွန်သင်ဆုံးမနိုင်ခြင်းမရှိပါက ကလေးသူငယ်များသည် လမ်းလွဲသွားနိုင်ပါသည်။ ကလေးသူငယ်များ လမ်းလွဲခဲ့ပါက အရင်ဦးဆုံး ဒုက္ခခံစားကြရမည်မှာလည်း မိဘများပင်ဖြစ်ပေမည်။ ထို့နောက် ပတ်ဝန်းကျင်သည်လည်း ဒုက္ခဖြစ်လာပါလိမ့်မည်။ ထို့ကြောင့် မိဘများသည် လက်ဦးဆရာများဖြစ်သည်နှင့်အညီ မိမိတို့ကိုယ်တိုင်ကပင် သိသင့် သိထိုက် နားလည်သင့် နားလည်ထိုက် သည်တို့ကို တတ်သိနားလည်ထားမှသာ ရင်သွေးငယ်တို့အား ဆုံးမသွန်သင်လမ်းပြနိုင်မည်ဖြစ်ပါသည်။ မိဘတို့ ကိုယ်တိုင်က ဘာမှမသိ ဘာမှနားမလည်ပါက သားသမီးတို့အား မည်သို့သွန်သင် လမ်းညွှန် ဆုံးမနိုင်မည်နည်း။ ယခုခေတ်ကာလတွင် သိစရာ တတ်စရာများ အလွန်များပြားလှသည်ဆိုသော်လည်း ဘာသာရေး၊ လူမှုရေး၊ ပညာရေး၊ စီးပွားရေးတို့သည်သာ ခေတ်အဆက်ဆက် လွှမ်းမိုးလာခဲ့သည်သာဖြစ်ပါသည်။ ရင်သွေးငယ်များအား ငယ်စဉ်ကပင် ဘာသာရေးအကြောင်း သိထားစေသင့်ပါသည်။ မိဘတို့ကိုယ်တိုင်ကပင် ဘာသာရေးအား ကောင်းစွာနားမလည်နိုင်ခဲ့သော် နားလည်သူများနှင့်အပ်နှံဆည်းပူးစေသင့်ပါသည်။ အခြားသော အရေးအရာတို့သည်လည်း ထို့အတူတူပင်ဖြစ်ပါလိမ့်မည်။

မိဘတို့အနေဖြင့် ရင်းနှစ်သည်းခြာ သားသမီးရတနာတို့အား ချစ်ခင်မြတ်နိုးခြင်းသည် အထွေအထူး ရေးပြရန် လိုအပ်မည်မဟုတ်ပါ။ မိဘတို့ ရှောင်ရန် ဆောင်ရန်တို့အား ရေးသားလိုပါသည်။ မိဘတို့သည် သားသမီးတို့အား မည်မျှပင် အသက်ကြီးရင့်စေကာမူ စိတ်ပူတတ်သောသဘောရှိကြပါသည်။ ကလေးတစ်ယောက်ကဲ့သို့ပင် ထင်မှတ် တတ်ကြပါသည်။ စိတ်မချဖြစ်တတ်ကြပါသည်။ မိမိတို့လက်ရှိပိုင်ဆိုင်သော အဆင့်အတန်းထက် လည်း မြင့်မားစေလိုသော စိတ်ဆန္ဒရှိတတ်ကြပါသည်။ ထိုအရာတို့သည် မိဘတိုင်းတွင် အတူတူထားရှိသော မေတ္တာတရားတစ်ခုပင်ဖြစ်ပါလိမ့်မည်။ အချို့သော လူကြီးမိဘတို့သည် အလုပ်မအားသည်ကို အကြောင်းပြကာ ကလေးငယ်တို့အား လျစ်လျူရှုထားတတ်ကြပါသည်။ ကလေးငယ်တို့လိုအပ်သည်ထင်သော အရာတို့ကိုသာ ၀ယ်ပေးထားတတ်ပြီး မေတ္တာတရားကို ပေးရန်လိုအပ်ကြောင်းကို မေ့လျော့ထားတတ်ကြပါသည်။ အချို့သောကိစ္စများတွင် မိဘတို့သည် ကလေးငယ်များအား လျစ်လျူရှု ထားသင့်ပါက လျစ်လျူရှုပေးခြင်း၊ ဂရုစိုက်သင့်သောအရာတို့အား ဂရုစိုက်ပေးခြင်း တို့သည် ကလေးငယ် တို့၏ စွမ်းအား လူမှုရေး ပညာရေး မိတ်ဆွေအပေါင်းအသင်း စသည်တို့ကို တိုးတက်စေသည်ဟုလည်း ထင်ပါသည်။ နေရာတကာ လူကြီးမိဘများ ၀င်ရောက်စွက်ဖက်ခြင်းသည် ကလေးများအား အမှားများကို ပြုလုပ် စေတတ်ပါသည်။ အရွဲ့တိုက်စေ တတ်ပါသည်။ အရွဲ့တိုက်လာလျင် လူကြီးမိဘတို့သည်လည်း ရိုက်ချင် နှက်ချင် စိတ်ပေါ်လာကာ ငေါက်ငမ်းဆုံးမတတ်ကြပေသည်။ ထိုအချိန်တွင် ဆုံးမသော အဆုံးအမတို့သည် မည်သူအတွက်မျှ အကျိုးရှိလိမ့်မည်မထင်ပါ။ ကလေးများအား စိတ်ဒဏ်ရာသာရရှိစေလိမ့်မည်ဟုလည်း ထင်မှတ်မိပါသည်။ ငယ်စဉ်ကတည်းက ရရှိခဲ့သော စိတ်ဒဏ်ရာတို့သည် ပြေပျောက်ရန်အလွန်ခဲယဉ်းတတ်သည်ကို လူကြီးမိဘတို့ သတိထားဆင်ခြင်သင့်ပါသည်။

မိဘတို့သည် သားသမီးများအတွက် မည်သည့်အရာသည် အကောင်းဆုံးဖြစ်ပြီး မည်သည့်အရာသည် အသင့်တော်ဆုံးဖြစ်သည်ကို သိနေတတ်ကြပါသည်။ သို့သော် တစ်ခါတစ်ရံတွင် မိဘတို့သည် မိမိတို့၏ အတ္တအား ရှေ့တန်းတင်လိုက်ခြင်းဖြင့် သားသမီးတို့၏ ဆန္ဒကို လျစ်လျူရှု ငြင်းပယ်ရာရောက်သွားတတ်ပါ သည်။ ထိုအခါ ကလေးသူငယ်တို့သည် ငြင်းဆန်ကြောင်း အမူအယာများ ပြုမူလာတတ်သည်ကို မြင်တွေ့နိုင် ပါသည်။ အများအားဖြင့် ကလေးများသည် လိမ်လည်ပြောဆိုခြင်း ကင်းစင်တတ်ကြပါသည်။ သို့သော် သူတို့အား အဆူခံရမည်၊ အရိုက်ခံရမည်ဟု ထင်မြင်ယူဆလာသောအခါတွင်မူ အမှန်တရားကိုမပြောကြတော့ပဲ လိမ်လည် ပြောဆိုလာတတ်ကြကြောင်း မိဘတိုင်းသိထားသင့်သည်ဟု ထင်ပါသည်။ မိဘတို့သည် ကလေးများအချင်းချင်းဖြစ်စေ၊ အခြားသောအရာတစ်ခုခုကိုဖြစ်စေ ပြဿနာဖြစ်ပေါ်လာပါက မိမိကလေး ပြောဆိုသောစကားများထက် အခြားသော ကလေးများ၏ ပြောဆိုခြင်းကို ယုံကြည်နေတတ်ကြခြင်း၊ မိမိကလေးအား စကားပြောဆိုခွင့် ဖြေရှင်းခွင့်မပေးတတ်ခြင်းပင် ဖြစ်ပေမည်။ ထိုသို့ပြုမူခြင်းသည် မိဘ၏ ယုံကြည်ခြင်းကိုမခံရသောကြောင့် ကလေးအား သိမ်ငယ်စိတ်၊ အားငယ်စိတ်ဝင်သွားတတ်ကြောင်းကို မိဘများ သတိပြုသင့်လှပါသည်။ မိမိတို့ကလေးအား ချုပ်ချယ်လွန်းအားကြီးလျှင် အချုပ်အချယ်ကင်းလွတ်သွားချိန်တွင် ပျက်စီးကာ လမ်းဘေးရောက်သွားသော ကလေးများမြင်ဘူးပါသည်။ မိဘတို့အနေဖြင့် ကလေးများအား အချိန်ပြည့်စောင့်ကြည့်နေနိုင်ရန်မှာ မလွယ်ကူပါ။ အသိဥာဏ်ထည့်သွင်းပေးခြင်းဖြင့်သာ ကလေးငယ်တို့အား သူတို့ကိုယ်တိုင် စဉ်းစားတတ် ဆုံးဖြတ်တတ်စေသင့်ပါသည်။ ကောင်းမှု နှင့် မကောင်းမှုတို့အား သေချာစွာ ကွဲပြားသွားသော ကလေးများအတွက် မကောင်းမှုပြုလုပ်ရန် စိတ်ဝင်စားကြလိမ့်မည်မဟုတ်ပါ။ တူရာစုသဘော အရလည်း မကောင်းမှုပြုလုပ်သူနှင့် မကောင်းမှုပြုလုပ်သူတို့သည်သာ ပေါင်းဖော်တတ်ကြသည်သာဖြစ်ပါသည်။

မိဘဖြစ်သူများအား အသိပေးလိုသည်မှာ သားသမီးမကောင်း မိဘခေါင်း ဟု ဆိုရိုးရှိကြောင်း သိကြပေမည်။ အဘယ့်ကြောင့် သားသမီးများမကောင်းကြရသနည်းဆိုသော် မိဘများမကောင်းခဲ့သောကြောင့်ဟု ပြန်လှန် အဖြေထုတ်လျှင် မိမိတို့၏ရင်သွေးရတနာများ ကောင်းမွန်စွာနေထိုင်ရေးသည် လက်ဦးဆရာဟု မည်ထိုက်သော မိဘတို့တွင် တာဝန်ရှိပေမည်။

၁။ သင်တို့၏ ကလေးအား ရှောင်ရှားခြင်း သို့မဟုတ် လျစ်လျူရှုခြင်းမျိုး မိဘများမှ မပြုလုပ်မိစေရန် သတိထားသင့်ပါသည်။ ကလေးငယ်များသည် သူတို့အား ဂရုစိုက်စေချင်ကြပါသည်။ သူတို့အား လျစ်လျူရှုခြင်းသည် ဂရုမစိုက်ခြင်းပင်ဖြစ်ကြောင်းသတိပြုသင့်ပါသည်။

၂။ ကလေးများ၏ နုနယ်လှသော စိတ်ပိုင်းဆိုင်ရာ ရုပ်ပိုင်းဆိုင်ရာ နှစ်မျိုးစလုံးအား ထိခိုက်စေမည့် စကားအသုံးအနှုန်း၊ အပြုအမူတို့အား သတိပြုဆင်ခြင် ရှောင်ရှားသင့်ပါသည်။ ကလေးများအား စိတ်ဒဏ်ရာ မရရှိစေရေးတွင် လက်ဦးဆရာများသည် အဓိကကျပါသည်။

၃။ ကလေးအများစုသည် ကောင်းမှု မကောင်းမှု မခွဲခြားတတ်ခြင်းကြောင့်လည်းကောင်း၊ လူငယ်အရွယ် တွင် အပေါင်းအသင်းမှားသဖြင့်လည်းကောင်း မကောင်းမှုများအား ကျူးလွန်တတ်ကြပါသည်။ ငယ်စဉ်ကပင် ကလေးငယ်များအား ကောင်းမှု မကောင်းမှုတို့ကို သိရှိ နားလည်စေနိုင်ရန် မိဘများတွင်တာဝန်ရှိပါသည်။

၎။ လက်ဦးဆရာဖြစ်သည်နှင့်အညီ ကလေးငယ်များသည် မိဘတို့၏ အမူအကျင့်တို့အား လိုက်လံအတုခိုး တတ်ကြသည်ဖြစ်ရာ မိဘတို့သည် ကိုယ် နှုတ် အမူအယာ တို့အား ထိန်းသိမ်းရမည်ဖြစ်ပါသည်။ မိဘများ ကိုယ်တိုင်မှ မကောင်းမှုပြုလုပ်ပြနေခြင်းသည် မိမိတို့၏ ရင်နှစ်သည်းခြာများအား မကောင်းမှုလုပ်စေရန် တိုက်တွန်းနေသည်နှင့်တူနေပါသည်။

၅။ ငါတို့သည် မိဘများဖြစ်သည်ဆိုကာ ကလေးငယ်တို့အား အာဏာရှင်ဆန်ဆန် ထိန်းချုပ်ခြင်း၊ ဖိနှိပ်ချုပ်ချယ်ခြင်း တို့အား ရှောင်ရှားသင့်ပါသည်။

၆။ မိဘတို့အနေဖြင့် တတ်နိုင်ပါက ငွေကြေးအပေါ် မှန်မှန်ကန်ကန် သဘောပေါက်နားလည်ထားစေရန် သင်ပြပေးသင့်ပါသည်။ ငွေကြေးသည် သူတို့နှင့်မသက်ဆိုင်ဟု သဘောထားမသက်ရောက်သင့်ပါ။

၇။ သားသမီးများအား အလွန်အကျွံ ထိန်းကွပ်ခြင်း၊ ချုပ်ချယ်ခြင်းဖြင့် ကလေးများ၏ ကိုယ်ပိုင်လွတ်လပ်ခွင့် အတွေးအခေါ်တို့အား များစွာထိခိုက်စေနိုင်ကြောင်း သတိပြုသင့်ပါသည်။

၈။ သားသမီးများအား အလွန်အကျွံယုံစားရမည်မဟုတ်သော်လည်း ပြောသမျှအား မယုံကြည်ခြင်းမျိုး မပြုလုပ်သင့်ပါ။ သူတို့၏ ထင်မြင်ချက်၊ ယူဆချက် နှင့် ဖြေရှင်းချက်တို့အား ကောင်းမွန်စွာ နားထောင်ပြီး မှန်ကန်သော အဖြေကို ထုတ် ဆုံးဖြတ်ချက်ပေးသင့်ပါသည်။

အထက်ပါဖော်ပြချက်များသည် ကျွန်တော်တွေးမိသမျှကို ဖတ်ဖူးသမျှ အတွှေ့အကြုံအရ သားသမီးများ ၏ ဘ၀နောင်ရေးတွင် ကောင်းမွန်စွာနေထိုင်ကြစေရေးအတွက် အကြံပြုချက်များသာဖြစ်ပါသည်။ ဖော်ပြသော အချက်အလက်များသည် ပြည့်စုံသည်ဟု မဆိုနိုင်သော်လည်း အသင့်အတင့်တော့ ကောင်းမွန်မည်ဟု ယူဆမိပါကြောင်း ရေးသားရင်းဖြင့် ရပ်နားလိုက်ပါသည်။

ရေးသားသူ(Author) ___

@ansoe (MSC 012)

Soe Naing

Myanmar Steemit Community

12-Sept-2018 ဗုဒ္ဓဟူးနေ့(Wednesday)